- WACHUNGAJI WA DECI WAHUKUMIWA

 

 

 

- WACHUNGAJI WA DECI WAHUKUMIWA
- WALIOPANDA MBEGU KURUDISHIWA

Wana maombi

- WACHUNGAJI WA DECI WAHUKUMIWA

Vigogo wanne wa iliyokuwa Kampuni ya Development Entrepreneurship for Community Initiative (DECI) wamehukumiwa kwenda jela miaka mitatu au kulipa faini ya sh milioni 21 kila mmoja.

Wana maombi

Hukumu hiyo ilitokewa na Hakimu Mkazi Alocye Katemana wa Mahakama ya Kisutu, Dar es Salaam. Aidha, Mahakama imeagiza kuwa pamoja na adhabu hiyo Serikali ifanye mchanganuo wa mali za DECI ambazo inazishikilia, kwa kuwa zipo mali zilishikiliwa zisizo za kampuni hiyo bali za watu wengine.

Alisema kuwa fedha za wateja wa DECI walizopanda zirejeshwe kwa wateja wenyewe ambao wataonesha uthibitisho wa kweli kuwa walipanda fedha zao huko.

Katika hukumu hiyo iliyotolewa na Hakimu Mkazi, Stewart Sanga na kusomwa na Hakimu Katemana, washitakiwa walikuwa watano, ambao ni Jackson Mtares, Dominick Kigendi, Timotheo ole Loitginye, Samwel Mtares na Arbogast Kipilima. Hata hivyo Arbogast Kipilima aliachiliwa huru baada ya Mahakama kutokumpata na hatia.

Washitakiwa hao walikuwa wanatetewa na mawakili wa kujitegemea Hudson Ndusyepo na Onesmo Kyauke.


Wakili Mwangamila alidai washitakiwa hao wanakabiliwa na mashitaka mawili ambayo ni kuendesha na kusimamia mradi wa upatu kinyume cha kifungu 111A (1,3) cha Sheria ya Kanuni ya Adhabu Sura ya 16.

Alidai kuwa, kati ya mwaka 2007 na Machi 2009, katika makao makuu ya DECI , yaliyopo Mabibo Mwisho, jijini Dar es Salaam, washitakiwa waliendesha na kusimamia mradi wa upatu katika sehemu tofauti nchini, kwa ahadi ya kuwapa wanachama wao fedha zaidi ambazo katika mazingira ya kibiashara ni kubwa kuliko mradi waliokuwa wakiufanya.


Mwangamila alidai kuwa, shitaka la pili ni kupokea amana za umma bila kuwa na leseni, kinyume cha kifungu cha 6 (1,2) cha Sheria ya mabenki na Taasisi za Fedha Na. 5 ya mwaka 2006 na kwamba, washitakiwa wote katika kipindi hicho wakiwa kwenye ofisi zao za DECI , walipokea amana kutoka kwa umma bila leseni.

Zigua simo na njero