AFIKISHWA MAHAKAMANI KWA KUGHUSI SAINI YA PINDA

 

 

KILIMANJARO

 

AFIKISHWA MAHAKAMANI KWA

 KUGHUSI SAINI YA PINDA

 

MFANYABIASHARA Amadi Ally Popi (35), jana alifikishwa mbele ya Hakimu Mkazi wa MAhakama ya Hakimu Mkazi Kisutu – Dar es Salaam, Waliarwande Lema akishtakiwa kwa makosa mawili likiwemo la kughushi barua inayoonyesha imeandikwa na Waziri Mkuu, Mizengo Pinda.

Inspekta wa Polisi Hamis Said, aliiambia Mahakama kuwa tarehe na siku isiyofahamika ndani ya jiji la Dar es Salaam, kwa nia ya kudanganya Amadi Ally Popi alighushi barua yenye kumbukumbu Na. DA21/3078/01A/142 ya Desemba 3, 2012 akijaribu kuonyesha kuwa barua hiyo ni halali na ilikuwa imeandikwa na kusainiwa na Waziri Mkuu, Pinda.

Alidai shtaka lingine ni kuwa tarehe na siku isiyofahamika ndani ya jiji la Dar es Salaam, bila ya kuwa na mamlaka yoyote alitengeneza barua hiyo na kuisani na kisha alimpatia Islamu Mohammed Mtila akijaribu kuonyesha barua hiyo imetoka katika Ofisi ya Waziri Mkuu na imesainiwa na Pinda.

Mshtakiwa alikana tuhuma hizo na kupelekwa rumande hadi tarehe 5-Septemba kesi hiyo itapotajwa tena. Hii ilikuwa ni baada ya mstakiwa kushindwa kutimiza masharti ya dhamana ya kuwa na wadhamini wawili wanaofanya kazi serikalini au kwenye taasisi zinazofahamika watakaosaini bondi ya sh milioni 10.

MBUGA ZA WANYAMA.. Tz